Հայաստանը կմասնակցի «Riga Food-2024» միջազգային ցուցահանդեսին

Սեպտեմբերի 5-7-ը Լատվիայի Հանրապետության Ռիգա քաղաքում «BT1» միջազգային ցուցահանդեսային ընկերությունը կազմակերպում է «Riga Food-2024» սննդի, խմիչքների, սննդի վերամշակման տեխնոլոգիաների, փաթեթավորման, նորարարության, ՀոՌեԿա և խանութների սարքավորումների և ծառայությունների 29-րդ միջազգային ցուցահանդեսը: Այս մասին տեղեկացնում են Էկոնոմիկայի նախարարությունից։

Ցուցահանդեսին ՀՀ կմասնակցի միասնական հայկական տաղավարով՝ ներկայացնելով 27 հայկական ընկերության արտադրանք (ալկոհոլային խմիչք, ըմպելիք, շոկոլադ, թեյ, պատրաստի սնունդ և այլն)։

Ցուցահանդեսը լավ հնարավորություն կընձեռի հայ արտադրողներին՝ ներկայացնելու իրենց արտադրանքը բալթյան երկրների սպառողներին և մեծացնելու արտահանման ծավալները դեպի Լատվիա, Լիտվա և Էստոնիա։