Երեք օրով փակ կլինի դեպի ՌԴ սահմանի թոնելը
Վրաստանում ՀՀ դեսպանությունը տեղեկացնում է, որ Մցխեթա-Ստեփանծմինդա-Լարս (Մ-3) (Ռուսաստանի Դաշնության սահման) միջազգային նշանակության ավտոճանապարհի կմ 132-կմ135 հատվածում գտնվող Դևդորակ թունելում կանխարգելիչ աշխատանքներ իրականացնելու նպատակով, 2024թ․ օգոստոսի 15-ին, 16-ին և 17-ին, ժամը 10:00-19:00 ընկած հատվածում սահմանափակվում է բոլոր տեսակի ավտոտրանսպորտային միջոցների երթևեկությունը։
Ավտոտրանսպորտային թունելի փակման ընթացքում ավտոմեքենաների երթևեկությունը կընթանա ներպետական նշանակության Դևդորակ թունելի շրջանցային ճանապարհով (Ն-205)։ Տրանսպորտային միջոցների երթևեկությունը կընթանա ըստ ժամանակավոր կազմակերպված գրաֆիկի։ Նշված ռեժիմով տեղաշարժը կիրականացվի պարեկային ոստիկանության անմիջական վերահսկողությամբ և համակարգմամբ։
Ստորև՝ շրջանցիկ ճանապարհի սխեման։
![](https://scontent.fevn12-1.fna.fbcdn.net/v/t39.30808-6/455612604_808559968132405_1241585580825001445_n.jpg?_nc_cat=102&ccb=1-7&_nc_sid=127cfc&_nc_ohc=28pcPVqU7_sQ7kNvgF9Rik-&_nc_ht=scontent.fevn12-1.fna&oh=00_AYDK3NZu2jRd4DrtpSyilin9S1DICgy2p_11ACUvC3lp9w&oe=66C277FA)