Սուրեն Պետրոսյանը կապ է հաստատել ընտանիքի անդամների հետ

«Տավուշը հանուն հայրենիքի» շարժման ակտիվիստներից Սուրեն Պետրոսյանը, որի գտնվելու վայրը հունիսի 12–ին ԱԺ շենքի մոտ տեղի ունեցած բախումներից հետո անհայտ էր, քիչ առաջ կապ է հաստատել ընտանիքի անդամների հետ։ Այս մասին Sputnik Արմենիային հայտնեց նրա հարազատներից մեկը։

Պետրոսյանն ասել է, որ քիչ ավելի ուշ կրկին կապ կհաստատի։ Այլ տեղեկություն այս պահին չկա։

Հիշեցնենք, որ հունիսի 12-ին ԱԺ շենքի մոտ բախումներ սկսվեցին ոստիկանների և «Տավուշը հանուն հայրենիքի» շարժման անդամների ու կողմնակիցների միջև։ Ոստիկանությունը լուսաձայնային նռնակներ կիրառեց, ինչի հետևանքով 101 անձ վնասվածք ստացավ, այդ թվում` ոստիկաններ։