Փորձագետը՝ նախագահ Ռաիսիի մահից հետո Իրանի համար գլխավոր ռիսկի մասին

Նախագահ Էբրահիմ Ռայիսիի մահն Իրանի համար արտասովոր եւ սթրեսային իրադարձություն է, որը կպահանջի կառավարության աշխատանքի վերակառուցում: Սակայն դա չի տապալելու իրանական համակարգը։ Նման կարծիք է հայտնել Միջազգային հարցերով ռուսական խորհրդի փորձագետ Նիկիտա Սմագինը։

"Գլխավոր ռիսկը բողոքավոր զանգվածների կողմից նախագահի մահվան հնարավոր ընկալումն է որպես գործողության ազդանշան։ Իբր նախագահ չկա, համակարգը թույլ է է, փողոց դուրս գալու ժամանակն է։ Առավել ևս, որ վերջին ամիսներին Իրանի քաղաքների փողոցներում ոստիկանությունը սկսել է գործել նախկինից ավելի վատ, և ժողովրդի շրջանում վրդովմունքը բավական է", — նշում է փորձագետը, գրում է ՌԲԿ-ն։

Սակայն, կարծում է նա, եւ այդ հավանականությունը չպետք է գերագնահատել։ "Նախագահի մահն այն էմոցիան չէ, որը պետք է ուժեղ իրարանցում առաջացնի իրանական հասարակության շրջանում": "Եթե Ռաիսին մահացել է, դա լուրջ սթրես է համակարգի համար, բայց ոչ կեսական մարտահրավեր", — ամփոփել է Սմագինը:

Ավելի վաղ Իրանի Կարմիր մահիկի ընկերության (ԻՐԿԱ) ղեկավարը հայտարարել է, որ Իրանի հյուսիս-արևմուտքում գտնվող Նախագահ Էբրահիմ Ռայիսիի ուղղաթիռի կործանման վայրում ողջ մնացածներ չեն հայտնաբերվել: "Ուղղաթիռի կործանման վայրի հայտնաբերումից հետո ողջ մնացածների հետքեր չեն հայտնաբերվել", - երկուշաբթի վաղ առավոտյան ասել է Իրանի Կարմիր մահիկի ընկերության ղեկավար Պիր Հոսեյն Կոլիվանդը:

Ռաիսին նախագահ է դարձել 2021 թվականին՝ 1997 թվականից ի վեր ամենաքիչ մրցակցային ընտրություններում՝ ստանալով պահպանողական խմբերի աջակցությունը և հավաքելով ձայների 62%-ը (ընդ որում՝ մասնակցությունը ամենացածրն Է Իսլամական Հանրապետության պատմության մեջ)։

Եթե Ռաիսին մահացել է, ԻԻՀ Սահմանադրության համաձայն՝ փոխնախագահ Մոհամմադ Մոհբերը կստանձնի նախագահի պարտականությունները, իսկ խորհուրդը, որի կազմում են խորհրդարանի խոսնակը, դատական իշխանության ղեկավարը և առաջին փոխնախագահը, պետք է 50 օրվա ընթացքում կազմակերպի նոր ընտրություններ: