Կրեմլը հաստատել է ռուս խաղաղապահների դուրսբերումը Ադրբեջանի օկուպացված Արցախից

ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում հաստատել է, որ սկսվել է ռուս խաղաղապահների դուրսբերումը Ադրբեջանի կողմից օկուպացված Արցախից։

«Այո, դա ճիշտ է», - ասել է Պեսկովը:

Նախկինում հաղորդվում էր, որ զորախմբի դուրսբերումն իրականացվել է էշելոնով՝ Դաղստանով։ Վերջնական դուրսբերման ժամկետը դեռ չի հաղորդվում։

Ադրբեջանական լրատվամիջոցների փոխանցմամբ՝ խաղաղապահներն արդեն լքել են Դադիվանքի հայկական վանական համալիրը։