ԵՄ դիտորդական առաքելությունը կարևոր գործառույթ է իրականացնում. Տոյվո Կլաար

ԵՄ դիտորդական առաքելությունը կարևոր գործառույթ է իրականացնում թափանցիկության ապահովման գործում։

Այս մասին X-ի իր էջում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։

«Դիտորդական առաքելությունը բաց է նաև Ադրբեջանի հետ փոխգործակցության համար, եթե կան մտահոգություններ, դրանք պետք է լուծվեն անվտանգ միջավայրում, ինչպես Վրաստանում տեղակայված ԵՄ առաքելությունն է ապահովում բոլոր կողմերի հետ կանոնավոր շփումների միջոցով»,- գրել է Կլաարը։

Ավելի վաղ ԵՄ դիտորդները հայտնել էին, որ պարեկային շրջայցեր են իրականացրել Հայաստան-Ադրբեջան սահմանի հայկական կողմում և որևէ ռազմական որևէ արտառոց տեղաշարժ չեն նկատել:

Այդ կերպ ԵՄ առաքելությունը փաստացի արձագանքել է Ադրբեջանի ՊՆ-ի` Հայաստան-Ադրբեջան պետական սահմանին զորքերի կուտակումների մասին տարածած տեղեկությանը:

Ավելի վաղ Հայաստանի պաշտպանության նախարարությունը հերքել է սահմանին զորքերի կուտակումների մասին Ադրբեջանի տարածած տեղեկությունը: