Վլադիկավկազ-Լարս հատվածում սահմանափակվել է մեծ բեռնատարների երթևեկությունը

Վրաստանում եղանակի վատթարացման պատճառով՝ ռազմավիրական ճանապարհի հատվածում արգելված է մեծաբեռնատար ավտոտրանսպորտային միջոցների երթևեկությունը։ 

Ռուսաստանի արտակարգ իրավիճակների նախարարության Հյուսիսային Օսիայի գլխավոր վարչությունից հայտնում են, որ ավտոտրանսպորտային միջոցների անվտանգ երթևեկության ապահովման անհնարինության պատճառով, ինչպես նաև հաշվի առնելով Վրաստանի սահմանապահ ոստիկանության հանձնարարականները՝ արգելված է մեծաբեռնատար ավտոտրանսպորտային միջոցների երթևեկությունը Վլադիկավկազ քաղաք–Լարս բնակավայր ընկած հատվածում Ռուսաստանի Դաշնությունից ելքի ուղղությամբ` դեկտեմբերի 8-ի ժամը 02:20-ից, մինչև այլ հատուկ կարգադրություն կլինի: