Հայաստանը եղել և մնում է ՀԱՊԿ դաշնակիցը. գլխավոր քարտուղար

Հայաստանը եղել և մնում է Հավաքական անվտանգության պայմանագրի կազմակերպության (ՀԱՊԿ) դաշնակիցը, Մինսկում կայացած նստաշրջանին Երևանի բացակայությունից կտրուկ եզրակացություններ անելն անիմաստ է։ Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը, փոխանցում է ՏԱՍՍ-ը։

«Իմ կարծիքով, այս իրավիճակից [հայկական պատվիրակության բացակայությունից] կատեգորիկ եզրակացություններ անելն անիմաստ է։ Հայաստանը եղել և մնում է մեր դաշնակիցը: Սա, կարծում եմ, ամեն ինչ ասում է»,- ասել է նա:

«Որքանով [ՀԱՊԿ] քարտուղարությանը հայտնի է, հայկական պատվիրակության բացակայության պատճառները տեխնիկական բնույթ են կրել: Ամեն դեպքում, սա անկախ ու ինքնիշխան պետության որոշումն է, որի վրա որեւէ այլ պետություն կամ կազմակերպություն չի կարող ազդել։ ՀԱՊԿ-ը հարգում է Հայաստանի Հանրապետության որոշումը՝ որպես կազմակերպության լիիրավ անդամ»,- հավելել է պաշտոնյան։