Մարգարայի անցակետի կառուցումը կարող է ավարտվել արդեն հաջորդ շաբաթ. Բադասյան

Մարգարայի անցակետի կառուցումը կարող է ավարտվել արդեն հաջորդ շաբաթ, այն գրեթե պատրաստ է: Այս մասին լրագրողների հետ ճեպազրույցում ասաց ՀՀ պետական եկամուտների կոմիտեի նախագահ Ռուստամ Բադասյանը։

«Գրեթե աշխատանք չի մնացել»,- հավաստիացրեց նա։

Ավելացրեց՝ որակի մասով հսկողություն է իրականացվում։

Ավելի վաղ ՀՀ վարչապետ Նիկոլ Փաշինյանը հայտարարել էր, որ Հայաստան-Թուրքիա սահմանը բացվելու է 3-րդ երկրների քաղաքացիների ու դիվանագիտական անձնագիր կրողների համար: