Ո՞վ է Արցախում Ադրբեջանի ներկայացուցիչ Սարգիս Գալստյանը

Լրագրող Թաթուլ Հակոբյանը Ֆեյսբուք սոցիալական ցանցի իր էջում տեղեկացրեց, որ Արցախում առաջին հայը նշանակվել է Ադրբեջանի ներկայացուցիչ։

Այդ մարդը Սարգիս Գալստյանն է։ Aravot.am-ին հաջողվեց որոշ մանրամասներ ճշտել Սարգիս Գալստյանի ով լինելու մասին։ Սարգիս Գալստյանը Շուշիի Ավան պլազա հյուրանոցի տնօրենն է եղել։

Մեր տեղեկություններով, Սարգիս Գալստյանը 1990-ական թվականների այն ակտիվիստներից է, ովքեր ժողովրդական դիվանագիտության ջատագովներն էին եւ բավական հաճախ էին այցելում Բաքու։

Հիշեցնենք, որ 2020 թվականի 44-օրյա պատերազմից հետո, տեսանյութեր տարածվեցին, որտեղ Շուշիի Ավան պլազա հյուրանոցի աշխատակիցը հայտարարում էր, թե ինքը ազգությամբ ադրբեջանցի է, բայց 13 տարի բնակվում է Արցախում։ Սարգիս Գալստյանն Արցախի խորհրդարանի «Արդարություն» խմբակցության ղեկավար Դավիթ Գալստյանի հորեղբոր որդին է։