Ռուբենը մենակ չէ, և մենակ չէ ոչ մի հայ, որն այսօր Բաքվի բանտում է. Արտակ Թովմասյան

Ռուբենը մենակ չէ, և մենակ չէ ոչ մի հայ, որն այսօր Բաքվի բանտում է: Այս մասին հայտարարություն է տարածել  «Թովմասյան» հիմնադրամի նախագահ Արտակ Թովմասյանը:

«Հիմա առավել քան երբևէ մեզ միասնականություն է հարկավոր այս ծանր իրավիճակից մարդկանց դուրս բերելու համար, և մեծ հույս ունեմ, որ վերջապես կսթափվենք և ամուր թիկունք կլինենք միմյանց:

Բաքվի բանտում գտնվող Ռուբեն Վարդանյանն այսօր մեր աջակցության կարիքն ունի նույնքան, որքան այն ժամանակ, երբ մեր երկիրն ուներ նրա բարի գործերի կարիքը:

Չպետք է մոռանալ նրա նվիրվածությունն ու սերը մեր ժողովրդի և մեր պետության հանդեպ, անձնուրացությամբ արցախու կողքին լինելու նրա պատրաստակամությունը:

Մենք պետք է գործադրենք մեր բոլոր ջանքերն ու հնարավորությունները նրան և մեր բոլոր հայրենակիցներին Բաքվի բանտերից հայրենիք վերադարձնելու համար:

Աշխարհի տարբեր անկյուններում գտնվող յուրաքանչյուր հայ պետք է ունենա այս գիտակցումը»: