ԱՄՆ-ն 11.5 մլն դոլարի աջակցություն կցուցաբերի արցախցիների կարիքների համար

ԱՄՆ-ն 11.5 մլն դոլարի աջակցություն կցուցաբերի արցախցիների հումանիտար կարիքների համար։ Այս մասին Կոռնիձորում լրագրողների հետ զրույցում ասել է ԱՄՆ Միջազգային զարգացման գործակալության տնօրեն Սամանթա Փաուերը։

«Բարդ է լսել ու տեսնել այն ամենը, ինչի միջով անցնում են այս ընտանիքները: Շատերը կրակի տակ են լքել իրենց բնակավայրերը», - ասել է Փաուերը:

Նա անհրաժեշտություն է համարել այն վիրավոր քաղաքացիական անձանց տարհանումը, որոնք գտնվում են Լեռնային Ղարաբաղում և ունեն դրա կարիքը. "Անհրաժեշտ է, որ նրանց տարհանումը կազմակերպվի Ադրբեջանի իշխանությունների կողմից",- ասել է ամերիկացի պաշտոնյան։