Լևոն Քոչարյանը դաժան ծեծի է ենթարկվել կարմիր բերետների կողմից. փաստաբան

Փաստաբան Ալեքսանդր Կոչուբայեվը գրում է․

«Լևոն Քոչարյանը դաժան ծեծի է ենթարկվել կարմիր բերետների կողմից: Շտապ օգնության բրիգադը Լ. Քոչարյանին հոսպիտալացնում է»։

VERELQ-ը հիշեցնում է, որ այսօր առավոտվանից անհնազանդության ակցիաներ են իրականացվում Երևանի փողոցներում: Ոստիկանությունը բիրտ ուժ է կիրառում ցուցարարների նկատմամբ, կան տասնյակ բերման ենթարկվածներ, այդ թվում անհնազանդության ակցիաները համակարգող Անդրանիկ Թևանյանը:

Այս պահին էլ Երևանում իրավիճակը լարված է, հազարավոր ուսանողներ փակում են փողոցները՝ շարժվում են դեպի Հանրապետության հրապարակ: Բազմաթիվ բուհերում դասադուլ է: