Հուլիսի 10-ին Արենի և Գանձակ համայնքների «Ռուսաց լեզվի և մշակույթի» կենտրոնի աշակերտները պատրաստել էին միջոցառումներ՝ նվիրված «Ընտանիքի, սիրո և հավատարմության օրվան»։ Նշենք, որ Հուլիսի 8-ին Ռուսաստանում նշվում է Ընտանիքի, սիրո և հավատարմության տոնը: Խորհրդանշական է, որ այն առաջին անգամ տոնվել է 2008 թվականին, որը հայտարարվել էր «Ընտանիքի տարի»:
Այս տոնը Ռուսաստանում նշվում է պետդումայի նախաձեռնությամբ: Տոնի գաղափարը ծնվել է մի քանի տարի առաջ Մուրոմա քաղաքի բնակիչների մոտ: Տոնն ունի մեդալ, որը շնորհում են հուլիսի 8-ին ու շատ նուրբ խորհրդանիշ` երիցուկ:
![](https://scontent.fevn6-1.fna.fbcdn.net/v/t39.30808-6/359487954_1032469151453126_4535839323896841374_n.jpg?_nc_cat=110&ccb=1-7&_nc_sid=730e14&_nc_ohc=kYjU-Zz-eZMAX__M_fg&_nc_ht=scontent.fevn6-1.fna&oh=00_AfCkPi4Tv1D_jAz-yQz15TInn9yJB9Ak3LkMcC7eUu0Ssg&oe=64B1284E)
Արենի համայնքի կենտրոնի փոքրիկ սաները երգեցին չաստուշկաներ ընտանիքի թեմայով։ Մյուս երկու խմբերի աշակերտները ներկայացրին ոտանավորներ կրկին ընտանիքի մասին»։ Նրանք նաև երիցուկ՝ տոնի խորհրդանիշը սարքեցին իրենց իսկ ձեռքերով և թերթիկներին գրեցին, թե ինչ է իրենց համար խորհրդանշում ընտանիքը։ Նաև ներկայացրին իրենց պատրաստած նյութերը՝ «Ինչ է ընտանիքը» և «Իմ ընտանիքը» թեմաներով։
![](https://scontent.fevn6-5.fna.fbcdn.net/v/t39.30808-6/359533706_1032469131453128_4579454068567177867_n.jpg?_nc_cat=108&ccb=1-7&_nc_sid=730e14&_nc_ohc=DTTLi5IjzNoAX9azldL&_nc_ht=scontent.fevn6-5.fna&oh=00_AfDB5TAQCWHHLrz12Mnrnjeud56Jvo-Dnev_0cw7zTSaAA&oe=64B189F0)
Գանձակ համայնքի կենտրոնների սաները ևս «Ընտանիքի, սիրո և հավատարմության» օրվան նվիրված միջոցառում ունեին։ Փոքր խմբի սաներից յուրաքանչյուրը պատմեց իր ընտանիքի մասին՝ ովքեր են ապրում իրենց ընտանիքում, ինչով են նրանք զբաղվում, ինչպես են անցկացնում ընտանեկան ժամանցը և այլն։ Նրանք միջոցառմանը ներկայացել էին իրենց ընտանեկան լուսանկարներով։
![](https://scontent.fevn6-6.fna.fbcdn.net/v/t39.30808-6/359400234_1032469164786458_6758305724435529400_n.jpg?_nc_cat=101&ccb=1-7&_nc_sid=730e14&_nc_ohc=hZG8Ikc5ZDMAX8HvERV&_nc_ht=scontent.fevn6-6.fna&oh=00_AfBo91R2mY_1R8JCwHCxaEtxzkf-wgHVMn5vOEwyCPPmxA&oe=64B0F4E0)
Միջին տարիքային խմբի աշակերտներն արտասանեցին բանաստեղծություններ ընտանիքի մասին։ Իսկ ահա մեծերի խումբն ամբողջությամբ պատմեց տոնի պատմությունը․ որտեղից է գալիս, խոսեցին խորհրդանշի մասին և թե ինչ խորհուրդ ունի տոնը։
![](https://scontent.fevn6-1.fna.fbcdn.net/v/t39.30808-6/359424281_1032469161453125_4826702144369732709_n.jpg?_nc_cat=103&ccb=1-7&_nc_sid=730e14&_nc_ohc=gvZa76e2zm0AX_N9Cck&_nc_ht=scontent.fevn6-1.fna&oh=00_AfDBWWzSU_8fo15AgB95uPCfyWYVoXpTmUADNdVO45SExA&oe=64B20643)
VERELQ-ը հիշեցնում է, որ «Հաղորդակցության զարգացման միջազգային ինստիտուտ» հումանիտար հիմնադրամի նախաձեռնությամբ եւ Ռուսաստանի Հաղորդակցության զարգացման ազգային հետազոտական ինստիտուտի (НИИРК) աջակցությամբ հունիսի 5-ից Արենի, Սևան եւ Գանձակ համայնքներում գործում են «Ռուսաց լեզվի և մշակույթի» կենտրոնները, որտեղ իրականացվում են ռուսաց լեզվի անվճար դասընթացներ։
«Ռուսաց լեզվի և մշակույթի» բացումը նպատակ ունի երեխաներին ոչ միայն անվճար սովորեցնելու ռուսաց լեզուն, այլև նրանց ծանոթացնել հայ-ռուսական ընդհանուր պատմությանը, մշակույթին, արվեստին, գրականությանը, ժառանգությանը։
Նշենք, որ Կենտրոններց յուրաքանչյուրն ունի իր անվանումը՝«Տիեզերք», «Գրականություն» և «Արվեստ»։
Մասնակիցների ուսումնական ծրագիրը հարուստ է՝ ներառյալ լեզվի ուսուցում, ընթերցանություն, հանդիպումներ փորձագետների հետ, էքսկուրսիաներ, ինչպես նաև ֆիլմերի և մուլտֆիլմերի դիտումներ, քննարկումներ, տարատեսակ միջոցառումներ։ Նախաձեռնությունը կարևոր է փոքր գյուղերի համար։ Ապագայում նախատեսվում է կենտրոնների գործունեության ընդլայնում։