22.04.2025
ՀՀ Նախագահ. Հայաստանի անդամակցումը ԵԱՏՄ-ին ճիշտ որոշում էր
prev Նախորդ նորություն

Հայոց ցեղասպանության ժխտումը հանցագործություն է. Նիկոլա Սարկոզի

Ֆրանսիայի նախկին նախագահ Նիկոլա Սարկոզին Փարիզում երկուշաբթի հանդիպել է հայ համայնքի ներկայացուցիչների հետ:

Ինչպես հայտնում է Asbarez-ը, Ֆրանսիայում Հայկական կազմակերպությունների համակարգող խորհրդի համանախագահ Արա Թորանյանը Սարկոզիին ներկայացրել է հայ համայնքին մտահոգող հարցերը, որոնց թվում` նաև ղարաբաղյան հակամարտության խնդիրը: Նա ընդգծել է, որ Ղարաբաղի անվտանգությունը հիմնահարց է ոչ միայն Հայաստանի, այլև ողջ Եվրոպայի համար:

Թորանյանը խոսել է նաև բացասական ազդեցության մասին, որը հայ համայնքի վրա կունենա Թուրքիայի անդամակցությունը ԵՄ-ին: Հանդիպման ժամանակ Սարկոզին ևս հաստատել է, որ դեմ է Թուրքիայի անդամակցությանը ԵՄ-ին:

Անդրադառնալով ցեղասպանությունների թեմային` Սարկոզին թվարկել է 20-րդ դարի 4 կարևորագույն ցեղասպանությունները` Հայոց ցեղասպանությունը, Հոլոքոստը, Կամբոջայի ցեղասպանությունը և թութսիների ցեղասպանությունը: Նա ընդգծել է, որ հայերի պայքարը բարձրացնում է ցեղասպանության դեմ պայքարի հարցերը ողջ աշխարհում: Ըստ նրա «ցեղասպանության ժխտումը կարծիքի արտահայտում չէ, այլ հանցագործություն»:
Մամուլի տեսություն. Պաշտպանության նախարարը կադրային ջարդ է սկսել
Հաջորդ նորություն next
 Լուսանկարը` gov.am
21.04.2025
Երևանի և Բաքվի միջև շարունակվում է կարծիքների փոխանակումը սահմանազատման շուրջ. Գրիգորյան