Ամերիկայի Միացյալ Նահանգներն ակնկալում են թափանցիկ և օրենքի տառին համապատասխան ստուգումներ ոչ իշխանական «Բարգավաճ Հայաստան» կուսակցության լիդեր Գագիկ Ծառուկյանի նկատմամբ: Ստուգումների ժամանակ մտահոգիչ երևույթներ նկատելու դեպքում ԱՄՆ-ն կբարաձայնի և կհայտնի կառավարությանը: Այս մասին հայտարարել է Հայաստանում ԱՄՆ-ի նորանշանակ դեսպան Ռիչարդ Միլսը Երևանում փետրվարի 13-ին կայացած մամլո ասուլիսի ժամանակ՝ պատասխանելով նախագահ Սերժ Սարգսյանի ելույթի վերաբերյալ հարցին:
ՀՀ նախագահը Սերժ Սարգսյանը փետրվարի 12-ին իշխող Հանրապետական կուսակցության գործադրի մարմնի նիստում հանդես էր եկել
ծավալուն ելույթով, որն ամբողջությամբ նվիրված էր ԲՀԿ ղեկավար, խոշոր գործարար Գագիկ Ծառուկյանին: Սերժ Սարգսյանը մասնավորապես անվանել է ծառուկյանին «չարիք», «կեղծ քաղաքական երևույթ» և «տարրական տրամաբանությունից զուրկ մարդ»: Նա հայտարարել է, որ սկսել է քաղաքական դաշտը «տգիտությունից մաքրելու գործընթաց» և տեղեկացրել առաջիկայմում Գագիկ Ծառուկյանի դեմ ձեռնարկվելիք գործողությունների մասին:
Գագիկ Ծառուկյանն արդեն
պատասխանել է Սարգսյանին՝ շեշտելով, որ ընդունում է իրեն հայտարարված «պատերազմը»՝ կոչ անելով «համաժողովրդական մոբիլիզացիայի»՝ Սերժ Սարգսյանի պաշտոնանկությանը հասնելու համար:
Անդրադառնալով Հայաստանում ստեղծված ներքաղաքակն իրավիճակին՝ ԱՄՆ դեսպանը նշել է, որ ցանկացած ժողովրդավար երկրում, երբ նախագահը որևէ պատճառով հայտարարում է ընդդիմադիր գործչին ստուգումների ենթարկելու մասին, Վաշինգտոնն ակնկալում է, որ դրանք կլինեն հիմնավոր, թափանցիկ ու երկրի օրենքների համաձայն: «Ես վստահ եմ, որ նախագահ Սարգսյանը ինքն էլ գիտի այս մասին։ Նախագահը, կարծում եմ, նաև գիտի, որ եթե մենք մտահգություններ ունենանք այդ ստուգումների ընթացքի վերաբերյալ՝ եթե դրանք տեղի ունենան, կբարձրաձայնենք այս մասին ու կհայտնենք կառավարությանը», - հայտարարել է դիվանագետը։
ԱՄՆ դիվանագիտական առեքելության ղեվավարը հայտարարեց, որ համաձայն ողջ աշխարհում Ամերիկայի դեսպանատների շախատանքային սկզբունքի՝ Հայաստանում ևս աշխատանք է տարվելու ընդդիմադիր քաղաքական լիդերների, իշխանությունների ներկայացուցիչների, ակտիվիստների ու հասարակական կազմակերպությունների հետ։ Ըստ նորանշանակ դեսպանի՝ հայկական ժողովրդավարության ուժեղ կողմերից մեկն այն է, որ այս երկրում կա ընդդիմություն, որին թույլ է տրվում ազատ արտահայտվել, խոսել դեսպանատների ու լրատվամիջոցների ներկայացուցիչների հետ։
Ասուլիսիսց առաջ դեսպան Միլսը իր հավատարմագրերն էր հանձնել Հայաստանի նախագահին: Ըստ դեսպանի, և՛ Հայաստանի նախագահը, և՛ արտգործնախարարը ընդգծել են, թե որքան կարևոր է, որ ապրիլի 24-ին ԱՄՆ-ից բարձաստիճանն պաշտոնյաներ ժամանեն Հայաստան։ «Ես այդ մասին անպայման կհաղորդեմ Վաշինգթոն, և երբ արդեն ինձ հայտնի կլինի, թե ԱՄՆ-ից ովքեր կգան Հայաստան, կհայտնեմ Հայաստանի իշխանություններին», - նշեց նա, տեղեկացնում է Ազատություն ռադիոկայանը։
Նշենք, որ ԱՄՆ-ի դեսպանի՝ նախագահ Սերժ Սարգսյանին հավատարմագրերը հանձնելուց հետո տեղի է ունեցել Հայաստանի ազգային անվտանգության խորհրդի (ԱԱԽ) նիստ, որը վարել է երկրի ղեկավարը: Նիստի ժամանակ, ինչպես հայտնում է ՀՀ նախագահի մալո ծառայությունը, անդրադարձ է կարատվել ներքաղաքական խնդիրներին և ազգային անվտանգությանը սպառնացող երևույթներին: «ԱԱԽ անդամները միակարծիք են եղել, որ Հայաստանի Հանրապետության ազգային անվտանգության դեմ ուղղված ցանկացած սպառնալիքի չեզոքացման միջոցները պետք է համապատասխանեն օրինականության և արդարության չափանիշներին», - նշվում է պաշտոնական հաղորդագրության մեջ: Նիստի ժամանակ քննարկված հարցերի և հնչած գնահատականների մասին տեղեկատվություն չի տրամադրվում:
