Իտալիան սատարում է ԵԱՀԿ Մինսկի խմբի համանախագահող երկրների նախագահների ջանքերին

Հայաստանը կարևորում է Իտալիայի` որպես ԵԱՀԿ ապագա նախագահող երկրի դիրքորոշումը` սատարել ԵԱՀԿ Մինսկի խմբի համանախագահող երկրների նախագահների ջանքերին և նրանց կողﬕց որպես ﬔկ ամբողջություն առաջարկվող ﬕջազգային իրավունքի երեք սկզբունքների՝ ուժի և ուժի սպառնալիքի չկիրառման, ժողովուրդների իրավահավասարության և ինքնորոշման իրավունքի և տարածքային ամբողջականության, հիման վրա հիﬓահարցի բացառապես խաղաղ հանգուցալուծման հասնելու համար: Այս մասին իր իտալացի գործընկերոջ հետ հանդիպմանը հաջորդած ասուլիսում հայտարարեց ՀՀ արտաքին գործերի նախարար Էդվարդ Նալբանդյանը:

«Ես Իտալիայի արտաքին գործերի նախարարին ներկայացրի ԼՂ հիմնախնդրի բանակցային գործընթացի առաջմղման նպատակով համապատասխան պայմանների ստեղծման ուղղությամբ Հայաստանի և ԵԱՀԿ Մինսկի խմբի համանախագահ երկրների ջանքերը»,– ասաց նա:

Նշենք, Հայաստանում է գտնվում Իտալիայի արտաքին գործերի նախարար Պաոլո Ջենտիլոնին, ում հետ, ի թիվս այլ հարցերի, քննարկվել է նաև ԼՂ հիմնախնդրի կարգավորման գործընթացը: