Սոթքում ադրբեջանական կրակից վիրավորում ստացած հայ զինծառայողը մահացել է

Այսօր, մայիսի 17-ին, Սոթքում ադրբեջանական կրակից վիրավորում ստացած հայ զինծառայողը մահացել է, հայտնում է ՀՀ պաշտպանության նախարարությունը:

«Մայիսի 17-ին Սոթքի հատվածում հայկական դիրքի ուղղությամբ Ադրբեջանի ԶՈՒ բացած կրակի հետևանքով կյանքի հետ անհամատեղելի հրազենային վնասվածքներ ստացած զինծառայողը, մինչև հոսպիտալ տեղափոխվելը, զոհվել է», - հայտնում են ՊՆ-ից:

Պաշտպանական գերատեսչությունը տարածել է նաև շտապօգնության մեքենայի լուսանկարները, որը Սոթքի ուղղությամբ գնդակոծել է ադրբեջանական զինուժը, երբ մեքենան տարհանել է վիրավոր զինծառայողին:

Գնդակոծության հետևանքով վիրավորվել է բուժակը։ Նրա առողջական վիճակը գնահատվում է բավարար, կյանքին վտանգ չի սպառնում: