«ՄՏՍ Հայաստան» ընկերության վաճառքի գործարքը կմերժվի

«ՄՏՍ Հայաստան» ընկերությունը չի վաճառվի, հանձնաժողովը գործարքի համաձայնություն չի տա։ Այս մասին տեղեկացնում են Հանրային ծառայությունները կարգավորող հանձնաժողովից:

Հիմնավորման մեջ, ի թիվս այլ հարցերի, նշվում է, որ «ՄՏՍ Հայաստանի» գործարքը մերժվում է՝ հիմք ընդունելով ԲՏԱ նախարարության իրավասու մարմնի կողմից ստացված գրությունը, որ նշված գործարքը կարող է վնասել ազգային անվտանգությանը կամ պետական շահերին։