Իրավապահները քննչական գործողություններ են կատարում Երևանի փոխքաղաքապետի աշխատասենյակում

Հակակոռուպցիոն կոմիտեի աշխատակիցները Երևանի քաղաքապետի տեղակալ Գևորգ Սիմոնյանի աշխատասենյակում քննչական գործողություններ են իրականացնում։ Տեղեկությունը հաստատել է Հակակոռուպցիոն կոմիտեի մամուլի ծառայությունը։

«Հակակոռուպցիոն կոմիտեի աշխատակիցները քննչական գործողություններ են իրականացնում Երևանի քաղաքապետի տեղակալ Գևորգ Սիմոնյանի աշխատասենյակում՝ կոմիտեում քննվող քրեական վարույթի շրջանակում»,- ասացին Հակակոռուպցիոն կոմիտեից, հայընում է Արմենպրեսը:

Հակակոռուպցիոն կոմիտեից այլ մանրամասներ չեն հաղորդեցել՝ նշելով, որ անհրաժեշտության դեպքում լրացուցիչ տեղեկություն կհայտնեն։

NEWS.am-ի տեղեկություններով խուզարկությունն իրականացվում է կորոնավիրուսի ժամանակ ենթադրյալ չարաշահումների հետ կապված նախաձեռնված քրեական վարույթի շրջանակում։