Ադրբեջանական դիվերսիոն խումբի հարձակման հետևանքով Արցախում երեք ոստիկան է զոհվել

Մարտի 5-ի առավոտյան՝ ժամը 10։00-ի սահմաններում, ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա, հայտնում է Արցախի ներքին գործերի նախարարությունը։

Ըստ հաղորդագրության՝ դիվերսիոն ներթափանցման հետևանքով զոհվել է ոստիկանության երեք ծառայող՝ փոխգնդապետ Արմեն Մայորի Բաբայանը, մայոր Դավիթ Վալերիի Դանիելյանը, լեյտենանտ Արարատ Թելմանի Գասպարյանը: Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է հրազենային վիրավորում և գտնվում է Հանրապետական բժշկական կենտրոնում՝ բժիշկների հսկողության տակ: