Արցախի հետ շփումներն իրականացվում են շաբաթական կտրվածքով. Ալեն Սիմոնյան

Հայաստանի խորհրդարանի նախագահ Ալեն Սիմոնյանն այսօր՝ հոկտեմբերի 14-ին, ընդունել է Արցախի Հանրապետության նախագահ Արայիկ Հարությունյանի գլխավորած պատվիրակությանը։

Հանդիպմանը հաջորդած ճեպազրույցում Սիմոնյանը նշել է, որ Արցախի պատվիրակությունների հետ հանդիպումները կրում են պարբերական բնույթ։ «Չնայած այս ձևաչափը որոշ չափով նոր է, սակայն արցախյան կողմի հետ մեր շփումները տեղի են ունենում, կարելի է ասել, շաբաթական կտրվածքով»,- ասաց նա։ Սիմոնյանը տեղեկացրեց, որ հանդիպման ընթացքում քննարկվել է իր վերջին այցը Ռուսաստան։

«Ես ներկայացրել եմ այցի մանրամասները, իմ հանդիպումների, քննարկումների մանրամասները։ Պատասխանեցի պատվիրակության անդամների հարցերին, լսեցի նրանց տեսակետը»,- ասաց Սիմոնյանը։