Խաչիկ Ասրյանը թվել է Արցախի պահպանման և զարգացման հինգ գլխավոր գործոնները

Արցախը մեզ համար բեռ չէ, հոգս չէ, խնդիր չէ. Արցախը մեր պատի՛վն է, մեր արժանապատվությո՛ւնը, ասել է թե՝ մեր ընտանի՛քը։ Այս մասին հայտարարություն է տարածել «Հայոց Արծիվներ. Միասնական Հայաստան» կուսակցության նախագահ, գնդապետ Խաչիկ Ասրյանը:

"Արցախը երբեք չի կարող լինել Ադրբեջանի կազմում՝ խաղաղ ապրելու համար և չի լինելու. դա նույնն է, որ ընտանիքդ հանձնես թուրքին՝ խաղաղ ապրելու համար: Երբե՛ք:

Արցախի պահպանման և զարգացման հինգ գլխավոր գործոններն են.
1) Հայաստանի իշխանությունը,
2) Արցախի իշխանությունը,
3) Արցախում այսօր բնակվող բոլոր հայերը,
4) Հայաստանում և Հայաստանից դուրս բնակվող բոլոր Հայերը:
5) Արցախում տեղակայված Խաղաղապահ Ուժերը:

Ուժե՛ղ Բանակ, առո՛ղջ Սյունիք, անպարտելի՛ Արցախ. ահա՛ Հայերի թշնամիների համար ահ ու սարսափ խորհրդանշող Հայաստանը։

Աստված պահպանի Հայաստա՛նը, Արցա՛խը, Հայոց Ազգային Բանա՛կը, Հա՛յ ազգը և Հայոց Սուրբ Հո՛ղը"։