Վլադիմիր Պուտինը ողջունել է Երևանում մեկնարկող Ռուս-հայկական համաժողովի մասնակիցներին

Ռուսաստանի նախագահ Վլադիմիր Պուտինը ողջունել է այսօր Երեւանում մեկնարկող Ռուս-հայկական միջտարածաշրջանային իններորդ համաժողովի մասնակիցներին։

Անցած տարիների ընթացքում Ռուսաստանը և Հայաստանը տարբեր ոլորտներում կառուցողական համագործակցության մեծ փորձ են կուտակել, ասվում է ՌԴ նախագահի ուղերձում, որը հրապարակվել է Կրեմլի կայքում։

Անդրադառնալով համաժողովի օրակարգին՝ ՌԴ առաջնորդը նշել է.

«Վստահ եմ, որ ձեր գաղափարներն ու առաջարկները գործնականում պահանջարկ կունենան, կծառայեն ռուս-հայկական գործընկերության հետագա ամրապնդմանը, եվրասիական տարածքում փոխշահավետ ինտեգրացիոն գործընթացների խթանմանը։

Նշենք, որ սեպտեմբերի 19-ին Երևանում կանցկացվեն «Ռուս-հայկական համագործակցություն. նոր մարտահրավերներ և հնարավորություններ» թեմայով ռուս-հայկական միջտարածաշրջանային 9-րդ համաժողովի միջոցառումները։