Արթուր Դավթյանը՝ ՀՀ գլխավոր դատախազ

Ազգային Ժողովում այսօր տեղի ունեցախ փակ գաղտնի քվեարկության արդյունքներով՝ Արթուր Դավթյանը նշանակվեց ՀՀ գլխավոր դատախազի պաշտոնում:

Քվեարկությանը մասնակցած 103 պատգամավորներից 97-ը կողմ են քվեարկել նրա թեկնածությանը, 3 պատգամավոր՝ դեմ:

Իր խոսքում ՀՀ գլխավոր դատախազը հայտարարեց, որ պաշտոնը պատասխանատու է ու հաջողություններ կարելի է արձանագրել Ազգային Ժողովի հետ համագործակցության արդյունքում:

«Ես գիտակցում եմ իմ առջև դրված խնդիրները և վստահեցնում, որ ամեն ինչ անելու ենք՝ սպասումներն արդարացնելու համար»,- հայտարարեց նա:

Հիշեցնենք, Գևորգ Կոստանյանը գլխավոր դատախազի պաշտոնից հրաժարականի դիմում ներկայացրեց հուլիսյան դեպքերի ֆոնին, երբ «Սասնա ծռեր» զինված խումբը գրավել և երկու շաբաթից ավելի պահեց ՀՀ ոստիկանության պարեկա-պահակային ծառայության գունդը: Կոստանյանի հրաժարականի պատճառը առողջական խնդիրներն էին: