Ստանիսլավ Զասը Երևանում կմասնակցի ՀԱՊԿ Խորհրդարանական վեհաժողովի խորհրդի նիստին

Հունիսի 6-ին Երեւանում տեղի կունենա Հավաքական անվտանգության պայմանագրի կազմակերպության Խորհրդարանական վեհաժողովի խորհրդի նիստը:

Միջոցառման օրակարգի շրջանակներում ՀԱՊԿ գլխավոր քարտուղար Ստանիսլավ Զասը նիստի մասնակիցներին կտեղեկացնի կազմակերպության պատասխանատվության գոտում տիրող իրավիճակի, Հավաքական անվտանգության մարտահրավերներին ու սպառնալիքներին հակազդելու միջոցների և ՀԱՊԿ շրջանակներում կնքված միջազգային պայմանագրերի վավերացման մասին:

Նիստը տեղի կունենա Ռուսաստանի Դաշնության Պետական դումայի խոսնակ Վյաչեսլավ Վոլոդինի նախագահությամբ: