Հայաստանն ու Արցախը ոտքի են կանգնել, հաղթելու ենք. ընդդիմության հանրահավաքը Վանաձորում

Սա պայքար չէ հանուն իշխանության, ինչպես դա փորձում են ներկայացնել գործող իշխանությունները: Այս մասին Վանաձոում հանրահավաքի ժամանակ հայտարարեց ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը:

Նրա խոսքով, իրենք պայքարում են հանուն հայրենիքի և կառչած չեն իշխանությանը.

"Մենք հասկանում ենք, որ հայրենիք ենք կորցնում և դուրս ենք եկել պայքարելու մեր երկրի ու ժողովրդի համար, որպեսզի ունենանք անվտանգ Հայաստան ու անվտանգ Արցախ: Հայաստանն ու Արցախը ոտքի են կանգնել, հայ ժողովուրդը ոտքի է կանգնել ու կարճ ժամանակ հետո հասնելու են իրենց նպատակին: Մենք հաղթելու ենք, ամեն ինչ լավ է լինելու», - վստահեցրեց Վանեցյանը:

ՀՀ ԱԺ փոխնախագահ Իշխան Սաղաթելյանն էլ հայտարարեց, որ թե Վանաձորը, թե ՀՀ բոլոր քաղաքներն ու գյուղերը պետք է ոտքի կանգնեն, որպեսզի հնարավոր լինի հեռացնել իշխանություններին ու երկիրը ստեղծված իրավիճակից դուրս բերել:

Նրա խոսքով, եթե "սրանք շարունակեն մնալ իշխանության", ապա կորցնելու ենք ամեն ինչ՝ Արցախը, Սյունիքը, իսկ հետո մտածելու ենք նաև Գեղարքունիքի մասին.

"Մեր պետականության գոյությունը լինելու է հարցականի տակ», - հավելեց Սաղաթելյանը: