Վարչապետի հրաժարականի դեպքում ձևավորվելու է ժամանակավոր կառավարություն. պատգամավոր

Հայաստանում իշխանափոխությունը պետք է տեղի ունենա Հիմնական օրենքով` սահմանադրությամբ, սահմանված դրույթների շրջանակներում։ Այս մասին 5-րդ հեռուստաալիքի եթերում ասել է «Հայաստան» դաշինքի անդամ Արթուր Խաչատրյանը։

«Բնականաբար, Հայաստանում իշխանափոխությունը պետք է տեղի ունենա բացառապես օրինական ճանապարհով։ Նիկոլ Փաշինյանը պետք է հրաժարական տա, որից հետո պետք է ձևավորվի ազգային համաձայնության կառավարություն և անցկացվեն նոր ընտրություններ: Պետք է բացառենք այն անհեթեթ իրավիճակի կրկնությունը, երբ Նիկոլ Փաշինյանը հրաժարականից հետո շարունակում է կատարել վարչապետի գործառույթները և իր հրաժարականից հետո օգտագործել իշխանության բոլոր լծակները»,- ասաց պատգամավորը։