ՄԹ պաշտպանության նախարարը Բաքվում կքննարկի համագործակցությունը և Ուկրաինայի խնդիրը

Մեծ Բրիտանիայի պաշտպանության նախարար Ջեյմս Հեփին մեկօրյա այցով Բաքվում է, հայտնում է Trend-ը։

Ինչպես նշում է Բաքվում Մեծ Բրիտանիայի դեսպանատունը, սա Մեծ Բրիտանիայի պաշտպանության նախարարի առաջին այցն է Ադրբեջան։

«Այցի ընթացքում հանդիպումներ կանցկացվեն Ադրբեջանի պաշտպանության նախարար գեներալ-գնդապետ Զաքիր Հասանովի և արտգործնախարար Ջեյհուն Բայրամովի հետ։

Քննարկման հիմնական թեմաները կլինեն պաշտպանության ոլորտում Միացյալ Թագավորության և Ադրբեջանի միջև համագործակցության ընդլայնման հնարավորությունը, Ուկրաինայում տիրող իրավիճակը, Հայաստանի և Ադրբեջանի միջև չլուծված խնդիրները և խաղաղ գործընթացի վիճակը։

Նախարարը կքննարկի նաև ականազերծման ոլորտում համագործակցությունը»,- ասվում է զեկույցում։