ՀՀ-ն ու Լիբանանը քննարկում են ուղիղ կանոնավոր չվերթների ավելացման հարցը

Լիբանանում ՀՀ դեսպան Վահագն Աթաբեկյանը հանդիպել է Լիբանանի հանրային աշխատանքների և տրանսպորտի նախարար Ալի Համիեին:

Ինչպես հայտնում են այդ երկրում ՀՀ դեսպանությունից, քննարկվել են երկու մայրաքաղաքների միջև օդային հաղորդակցության ոլորտում համագործակցության ընդլայնման հնարավորությունները:

Ընդգծվել է երկու բարեկամ երկրների մայրաքաղաքները կապող ուղիղ կանոնավոր չվերթների ավելացման կարևորությունը՝ ինչպես միջպետական, այնպես էլ՝ միջմարդկային կապերի ամրապնդման առումով։