ՌԴ զինված ուժերն արգելափակել են Կիևը, Խարկովը, Չերնիգովը, Սումին և Նիկոլաևը. Ռուդսկոյ

Ռուսաստանի Դաշնության զինված ուժերը շրջափակել են Կիևը, Խարկովը, Չեռնիգովը, Սումին և Նիկոլաևը, իսկ Խերսոնը և Զապորոժիայի շրջանների մեծ մասը գտնվում են լիակատար վերահսկողության տակ։ Այդ մասին ուրբաթ լրագրողներին հայտնել է ՌԴ ԶՈՒ գլխավոր շտաբի պետի առաջին տեղակալ, գեներալ-գնդապետ Սերգեյ Ռուդսկոյը, փոխանցում է ՏԱՍՍ-ը։


«Ռուսաստանի Դաշնության զինված ուժերի հարձակողական գործողություններ են իրականացվում տարբեր ուղղություններով: Արդյունքում ռուսական զորքերի կողմից արգելափակվել են Կիևը, Խարկովը, Չերնիգովը, Սումին և Նիկոլաևը։ Խերսոնը և Զապորոժիայի շրջանների մեծ մասը գտնվում են լիակատար վերահսկողության տակ»,- ասել է Ռուդսկոյը։


Գեներալ-գնդապետի խոսքով՝ ՌԴ ԶՈւ-ն այնպիսի վնաս է հասցնում շրջափակման մեջ գտնվող քաղաքների տարածքում առկա ռազմական ենթակառուցվածքի օբյեկտներին, տեխնիկային, Ուկրաինայի զինված ուժերի անձնակազմին, որպեսզի Ուկրաինային ի զորու չլինի ամրապնդել խմբավորումը Դոնբասում մինչև ԴԺՀ-ի և ԼԺՀ-ի տարածքների ռուսական բանակի ամբողջական ազատագրումը:


Հատուկ գործողության անցկացման տարբերակներ


Ռուսաստանը դիտարկել է հատուկ գործողություն իրականացնելու երկու տարբերակ՝ ԴԺՀ-ի և ԼԺՀ-ի սահմաններում կամ ամբողջ Ուկրաինայում։ Առաջին դեպքում ուկրաինական իշխանությունները մշտապես կսնուցեն իրենց զորախումբը, ասել է Ռուդսկոյը։


«Այս դեպքում հնարավոր էր երկու տարբերակ: Առաջինը ԴԺՀ-ի և ԼԺՀ-ի տարածքով սահմանափակվելն է միայն Դոնեցկի և Լուգանսկի մարզերի վարչական սահմաններում, ինչը ամրագրված է հանրապետությունների սահմանադրություններով։ Բայց այդ ժամանակ մենք կկանգնեինք ուկրաինական իշխանությունների կողմից այսպես կոչված միացյալ ուժերի գործողության մեջ ներգրավված խմբավորման մշտական ​​համալրման հետ»,- ասել է նա։


Գեներալի խոսքով, հետեւաբար ընտրվել է երկրորդ տարբերակը, որը նախատեսում է գործողություններ Ուկրաինայի ողջ տարածքում՝ դրա ապառազմականացման և ապաազգայնացման միջոցառումների իրականացմամբ։


 

Տպել

Թեմայի այլ նորություններ
Загрузка...