Էդմոն Մարուքյանը նշանակվել է հատուկ հանձնարարություններով դեսպան

Վարչապետ Նիկոլ  Փաշինյանի որոշմամբ «Լուսավոր Հայաստան» կուսակցության ղեկավար Էդմոն Մարուքյանը նշանակվել է հատուկ հանձնարարություններով դեսպան։

Այդ մասին ֆեյսբուքյան իր էջում գրել է նաև Էդմոն Մարուքյանը` նշելով.

“Տեղեկացնում եմ, որ վարչապետ Նիկոլ Փաշինյանի առաջարկությամբ ներգրավվելու եմ Հայաստանի արտաքին քաղաքականության բնագավառում՝ ստանձնելով Հատուկ Հանձնարարություններով Դեսպանի կարգավիճակը:

Մեր պետության և տարածաշրջանի համար ստեղծված այս բարդ ժամանակաշրջանում բարձր պատասխանատվությամբ շարունակելու եմ ծառայել Հայաստանի Հանրապետությանը և սպասարկել ազգային-պետական շահերը:

Աստված պահապան Հայաստանի Հանրապետությանը”:

Մարուքյանը 2015-ին հիմնադրել է «Լուսավոր Հայաստան» կուսակցությունը: 2012-2017թթ. եղել է ԱԺ պատգամավոր, խմբակցություններում չի ընդգրկվել: 2017-ին ԱԺ պատգամավոր է ընտրվել «Ելք» դաշինքի ցուցակով, 2018-ին` «Լուսավոր Հայաստան» կուսակցության ցուցակով: