Հայերեն

ԱԳՆ. Ուժի մեջ է մտել Հայաստան-Իրան առանց վիզաների համաձայնագիրը

12.08.2016

Հայաստանի արտգործնախարարությունը տեղեկացնում է, որ ուժի մեջ է մտել 2016 թվականի հունիսի 5-ին ստորագրված «Հայաստանի Հանրապետության Կառավարության և Իրանի Իսլամական Հանրապետության Կառավարության միջև քաղաքացիների առանց մուտքի արտոնագրի այցելությունների մասին» փոխըմբռնման հուշագիրը:

«Փոխըմբռնման հուշագրով Հայաստանի և Իրանի քաղաքացիները միմյանց տարածք մուտք գործելու, տարանցիկ անցնելու և գտնվելու համար ազատվում են մուտքի արտոնագիր ձեռք բերելու պահանջից՝ 90 (իննսուն) օր չգերազանցող ժամկետով՝ 180 (հարյուր ութսուն) օրվա ընթացքում», - ասված է արտգործնախարարության երեկվա հաղորդագրությունում: