Արցախի ՔԿ-ն քրգործ է հարուցել արցախցիների ուղղությամբ կրակելու փաստի առթիվ

Արցախի Հանրապետության քննչական կոմիտեն քրեական գործ է հարուցել փետրվարի 5-ին՝ ժամը 13:00-ի սահմաններում, Ասկերանի շրջանի Խրամորթ գյուղի վարչական տարածքի մոտակայքում ադրբեջանցիների կողմից երեք քաղաքացիների վրա կրակելու դեպքի առթիվ։ Հանցագործությունը կատարվել է ազգային, ռասայական կամ կրոնական ատելության շարժառիթներով։

Այս մասին հայտնում են Արցախի քննչական կոմիտեի մամուլի ծառայությունից։

Հաղորդվում է, որ փետրվարի 5-ին ադրբեջանցի զինծառայողներն իրենց դիրքերից կրակ են բացել «Ապագա սերունդներ» հիմնադրամ ՍՊԸ-ի աշխատակիցների վրա, որոնք հողային աշխատանքներ էին իրականացնում։

Նախաքննությունը շարունակվում է։