Ռուս զինվորականները խոցել են Ուկրաինայի ԶՈւ-ի չորս Bayraktar հարվածային ԱԹՍ-ներ. ՌԴ ՊՆ

Ռուս զինվորականները խոցել են Ուկրաինայի զինված ուժերի մարտական ուղղաթիռ և "Բայրաքթար ՏԲ-2" չորս հարվածային անօդաչու թռչող սարք (ԱԹՍ): Այդ մասին փետրվարի 24-ին հայտարարել է ՌԴ Պաշտպանության նախարարության պաշտոնական ներկայացուցիչ Իգոր Կոնաշենկովը:

"Խոցվել է մարտական ուղղաթիռ եւ չորս հարվածային անօդաչու թռչող սարք՝ "Բայրաքթար ՏԲ-2", - ճեպազրույցի ժամանակ ասել է Կոնաշենկովը, փոխանցում է EADaily-ն:

Հիշեցնենք, որ Bayraktar TV2-ը թուրքական հարվածային օպերատիվ-մարտավարական միջին մարտական անօդաչու սարք է՝ թռիչքի մեծ տեւողությամբ։

Ռուսաստանի նախագահ Վլադիմիր Պուտինը փետրվարի 24-ի վաղ առավոտյան հայտարարել է Դոնբասում ռազմական գործողություն սկսելու, Դոնեցկի եւ Լուգանսկի ժողովրդական հանրապետություններում զորքեր մտցնելու մասին:

ՌԴ ԶՈՒ-ն գրոհում է ռազմական ենթակառուցվածքները, ՀՕՊ օբյեկտները, Ուկրաինայի օդանավակայանները։ Այժմ երկրի բազմաթիվ քաղաքներում պայթյուններ են լսվում։ Ռուսական շուկան արձագանքել ռուբլով ակտիվների կտրուկ անկմամբ: