Արցախի ԱԺ նախագահը շնորհավորել է Դոնբասի ժողովրդին անկախությունը ճանաչելու կապակցությամբ

Արցախի Ազգային ժողովի նախագահ Արթուր Թովմասյանը ողջունել է ՌԴ նախագահ Վլադիմիր Պուտինի՝ Դոնեցկի և Լուգանսկի ժողովրդական հանրապետությունների անկախությունը ճանաչելու որոշումը։

«Մենք կարծում ենք, որ նման ճանաչումը հիմք կհանդիսանա ԴԺՀ-ի և ԼԺՀ-ի բնակիչների պաշտպանությունն ու անվտանգությունն արտաքին սպառնալիքներից երաշխավորելու, ինչպես նաև միջազգային խաղաղության և տարածաշրջանային կայունության ամրապնդման համար:

Շնորհավորում ենք Դոնբասի ժողովրդին երկու հանրապետությունների քաղաքական և իրավական ճանաչման կապակցությամբ։

Հ.Գ. Այս պահին Արցախի Հանրապետության Ազգային ժողովի նախագահի աշխատակազմում խմբակցությունների ղեկավարների մասնակցությամբ հանդիպում է անցկացվում, որի արդյունքները կհրապարակվեն ավելի ուշ»,- ասված է Արցախի խորհրդարանի նախագահի հայտարարության մեջ: