Հայաստանում ստեղծվելու է հայրենադարձության ինտեգրման կենտրոն

Կառավարության փետրվարի 10-ի որոշմամբ Հայաստանում կստեղծվի հայրենադարձության ինտեգրման կենտրոն, որը զբաղվելու է հայրենադարձության խնդիրների համակարգմամբ և լուծմամբ։

Համաձայն որոշման, կենտրոն ապահովվելու է տարածքով, որի ամսական սպասարկման ծախսը կազմելու է 605 000 դրամ: Նոր ձևավորվող կենտրոնը տրամադրելու է անհատականացված ծառայություններ սփյուռքի հայության շրջանում տարածում ունեցող գերակա լեզուներով՝ անգլերեն, ռուսերեն և արևմտահայերեն:

Կենտրոնը նաև տրամադրելու է նաև խորհրդատվություն և գործնական աջակցություն հայրենադարձներին հետևյալ փաստաթղթավորման, անձնական գույքի և բիզնեսի տեղափոխության, առողջապահական, կրթամշակութային, սոցիալ-տնտեսական, զբաղվածության և աշխատանքի, զինվորական հաշվառման և ծառայության, օրենսդրական, հարկային, բանկային գործարքների և ֆինանսների ոլորտներում։