Մակրոնը կայցելի Ռուսաստան և Ուկրաինա

Ֆրանսիայի նախագահ Էմանուել Մակրոնը ակնկալում է հաջորդ շաբաթ այցելել Ռուսաստան և Ուկրաինա։ Այս մասին հայտնում է Bloomberg-ը՝ հղում անելով Ելիսեյան պալատին։

«Մակրոնը փետրվարի 7-ին կայցելի Ռուսաստան, իսկ փետրվարի 8-ին՝ Ուկրաինա»,- հայտնում է «Ինտերֆաքս»-ը։

Այս շաբաթվա սկզբին Ֆրանսիայի նախագահը հայտարարել էր, որ չի բացառում մոտ ապագայում այցը Մոսկվա: Նրա խոսքով, այժմ ուկրաինական հարցում իր համար առաջնահերթությունն ու Ռուսաստանի հետ երկխոսությունում դեէսկալացիան է և ճգնաժամից դուրս գալու քաղաքական լուծումների որոնումը։