Զելենսկին հայտարարել Է Թուրքիայի հետ առևտրային համաձայնագրի շուտափույթ ստորագրման մասին

Ուկրաինան պատրաստվում է Թուրքիայի հետ ազատ առեւտրի մասին համաձայնագիր ստորագրել առաջիկա երկու օրերի ընթացքում: Այդ մասին փետրվարի 1-ին հայտարարել է երկրի նախագահ Վլադիմիր Զելենսկին Ռադայում ելույթի ժամանակ:

«Պատրաստվում ենք հզոր տնտեսական ազդանշան տալ՝ Թուրքիայի հետ ազատ առեւտրի գոտու մասին համաձայնագիրը ստորագրել արդեն առաջիկա երկու օրվա ընթացքում։ Մեր խմբերը աշխատում են։ Ես վստահ եմ, որ մենք կպայմանավորվենք», - ասել է Ուկրաինայի նախագահը։