Լավրովը հայտարարել Է Ռուսաստանի դոլարային պահուստների կրճատման մասին

Ռուսաստանը մտադիր է կրճատել կախվածությունն ամերիկյան դոլարից, քանի որ կարծում է, որ ԱՄՆ-ն ռիսկային է դարձնում այդ արժույթի հետ գործառնությունները: Այս մասին հայտարարել է Ռուսաստանի ԱԳՆ ղեկավար Սերգեյ Լավրովը՝ ելույթ ունենալով Պետդումայում, հաղորդում է RBC-ն:

«Մենք ձգտում ենք կրճատել կախվածությունը դոլարից, եւ ամերիկացիներն ակտիվորեն օգնում են մեզ դրանում, քանի որ ամեն ինչ անում են այդ արժույթի նկատմամբ վստահությունը խափանելու եւ միջազգային հաշվարկների համար այն ռիսկային դարձնելու համար, ընդհանրապես, ոչ միայն Ռուսաստանի Դաշնության, այլեւ աշխարհի ցանկացած այլ երկրի համար», - ասել է նախարարը:

Նրա խոսքով՝ Ռուսաստանն այժմ կտրուկ կրճատում է դոլարային պահուստները։ «Մենք ամեն կերպ խթանում ենք անցումը հաշվարկների (առեւտրատնտեսական գործընկերների. ՌԲԿ) ազգային արժույթներով, և դա սկսում է Արևմուտքում տագնապալի բանավեճեր առաջացնել քաղաքագետների և տնտեսագետների շրջանում։ Եվ մենք կտրուկ կրճատում ենք մեր արժութային պահուստները, որոնք պահվում են դոլարով», — ասել է Լավրովը։

Նախարարի խոսքով՝ Արևմուտքում այդ գործընթացն աննկատ չի մնում։ «Տեսեք, թե ինչպես են նրանք պահանջում մեր գործընկերներից՝ Հնդկաստանից, Եգիպտոսից եւ Թուրքիայից, Իսկ դա բավական մեծ երկիր է, դադարեցնել ռազմատեխնիկական ոլորտում Ռուսաստանի հետ համագործակցությունը», — ասել է Լավրովը:

Դրա հետ մեկտեղ նա ընդգծել է, որ դոլարի օգտագործման հարցը վերջնականապես կլուծի կառավարությունը, այլ ոչ թե ԱԳՆ-ն: «Մենք ունենք միջազգային պարտավորությունները <...> եւ հատուկ գերատեսչության ղեկավարը, մասնավորապես, Կենտրոնական բանկը, հետեւում են, թե որքանով է փորձված այդ պարտավորությունների հավասարակշռությունը», — ասել է նախարարը: