Արցախը Հայաստանին կապող մայրուղին փակ է ձնաբքի և վատ տեսանելիության պատճառով

Արցախը Հայաստանին կապող մայրուղին փակ է ձնաբքի և վատ տեսանելիության պատճառով, հայտնում է Արցախի արտակարգ իրավիճակների պետական ծառայությունը:

«Այս պահին Սյունիքի մարզի Շինուհայր գյուղում բուք է։ Բքի պատճառով փակ է Գորիս-Երևան ավտոճանապարհի 1-ին կմ-ն: Վայոց ձորի մարզի Սարավան-Սարալանջ ճանապարհահատվածի երթևեկությունը միակողմանի է: Սարավան-Զանգեր ճանապարհահատվածում տեղ—տեղ առկա է մերկասառույց», -  ասված է հաղորդագրությունում:

Արցախի ԱԻՆ փրկարար ծառայությունը վարորդներին խորհուրդ է տալիս երթևեկել բացառապես ձմեռային անվադողերով: