ՀԱՊԿ պաշտպանության նախարարների խորհրդի արտահերթ նիստը տեղի կունենա հունվարի 13-ին

ՀԱՊԿ պաշտպանության նախարարների խորհրդի արտահերթ նիստը տեղի կունենա հունվարի 13-ին:

Այն կանցկացվի տեսակոնֆերանսի ձևաչափով: Նիստի մասնակիցները կքննարկեն Ղազախստանում խաղաղապահ գործողության անցկացումը, հայտնել է ՀԱՊԿ մամուլի քարտուղար Վլադիմիր Զայնետդինովը։

Նա տեղեկացրել է, որ հանդիպմանը կմասնակցեն նաեւ ՀԱՊԿ միացյալ շտաբի պետ, գեներալ-գնդապետ Անատոլի Սիդորովը եւ ՀԱՊԿ գլխավոր քարտուղարի տեղակալ Թախիր Խայրուլոեւը։

Ավելի վաղ Ղազախստանի նախագահը հայտարարել էր, որ ՀԱՊԿ խաղաղապահների առաքելությունն ավարտվել է, զորքերի դուրսբերումը կսկսվի հունվարի 13-ին: