Հայ խաղաղապահների խնդիրը Ղազախստանում ռազմավարական օբյեկտների պահպանությունն է. ԱԳՆ

Հայաստանի արտաքին գործերի նախարարությունը մանրամասնել է, թե ինչ առաքելություն են իրականացնելու ՀԱՊԿ խաղաղապահ ուժերի կազմում Ղազախստան մեկնող հայ զինծառայողները:

«Արմենպրես»-ի հարցմանն ի պատասխան՝ ԱԳՆ մամուլի քարտուղար Վահան Հունանյանն անդրադարձել է նաև հարցին, թե ՀՀ կառավարությունը արդյոք պատրաստվում է Ղազախստանից տարհանե՞լ ՀՀ քաղաքացիներին:

Վահան Հունանյանը հայտնել է նաև, որ Ղազախստանում ծավալվող իրադարձությունների հետևանքով ՀՀ քաղաքացիների շրջանում տուժածներ չկան:

- ՀՀ կառավարությունը արդյոք պատրաստվում է Ղազախստանից տարհանե՞լ ՀՀ քաղաքացիներին:

 - Այս պահի դրությամբ նման մտադրություն չկա։

- Ի՞նչ առաքելություն են իրականացնելու ՀԱՊԿ խաղաղապահ ուժերի կազմում Ղազախստան մեկնող ՀՀ զինծառայողները։

- Հայ խաղաղապահների խնդիրը ռազմավարական նշանակության օբյեկտների պահպանությունն է լինելու։

- Արդյոք կա՞ն տուժածներ ՀՀ քաղաքացիների շրջանում։

- Ղազախստանում ՀՀ դեսպանության հաղորդմամբ՝ ՀՀ քաղաքացիների շրջանում տուժածներ չկան։