Վլադիմիր Պուտինը շնորհավորել է հայ ժողովրդին Ամանորի և Սուրբ Ծննդյան տոների առթիվ

Ռուսաստանի Դաշնության նախագահ Վլադիմիր Պուտինը շնորհավորել է Հայ առաքելական եկեղեցու ռուսական թեմի առաջնորդ Եզրաս արքեպիսկոպոս Ներսիսյանին և հավատացյալ հայ ժողովրդին Ամանորի և Սուրբ Ծննդյան տոների կապակցությամբ:

Ինչպես հաղորդում է ՀԱԵ Ռուսաստանի և Նոր Նախիջևանի թեմի մամլո ծառայությունը, իր շնորհավորական նամակում երկրի ղեկավարը նշել է. «Ընդունեք սրտանց շնորհավորանքներ Ամանորի և Սուրբ Ծննդյան տոների կապակցությամբ:

Այս հրաշալի, սիրելի տոների հետ կապված են հատուկ, սերնդեսերունդ փոխանցվող ավանդույթները, նվիրական իղձերի իրականացման հանդեպ անկեղծ հավատը։ Սրտանց մաղթում եմ ձեզ առողջություն, ոգու տոկունություն և հաջողություններ պատասխանատու հովվական ծառայության մեջ»: