Հայագիտության զարգացման ծրագրեր իրականացվում են աշխարհի 11 երկրներում. նախարար

Հայագիտության զարգացման ծրագրերն իրականացվում են աշխարհի 11 երկրներում։ 2021 թվականին նման ծրագրեր սկսեցին իրականացվել ՄԳԻՄՕ-ում, Հռոմում Լա Սապիենցայի համալսարանում, Կահիրեի համալսարանում և այլն։

Այս մասին այսօր՝ դեկտեմբերի 28-ին, հայտնել է ՀՀ կրթության, գիտության, մշակույթի եւ սպորտի նախարար Վահրամ Դումանյանը։

Նախարարն այս գործընթացում առաջնահերթ համարեց հայագիտական առարկաների դասավանդման հիմքերի ամրապնդումը, Սփյուռքում դասավանդողների հետ աշխատանքը, համահայկական միջոցառումների անցկացումը:

Նրա խոսքով՝ միայն ընթացիկ տարում 18 երկրների ավելի քան 100 ուսումնական հաստատություններին փոխանցվել է համապատասխան գրականության շուրջ 44 հազար օրինակ: