29.03.2024
Թեհրանը չի հանդուրժի տարածաշրջանում որևէ տարածքային փոփոխություն. Մահմուդ Ահմադի Բիղաշ
prev Նախորդ նորություն

Նորություններ գործընկերներից

Հայաստանը ձգտում է դիվերսիֆիկացնել իր էներգետիկ համակարգը. փոխվարչապետ

ԽՍՀՄ անկումից հետո Հայաստանի էներգետիկ համակարգը լուրջ խնդիրներ ունեցավ՝ անցնելով փոխակերպումների մեծ շրջափուլ: Տարիներ ի վեր ոլորտում առկա դժվարություններին բախվել են առաջին հերթին մասնագետները, ովքեր պետք է պատվով և պատասխանատվությամբ լուծեին դրանք՝ կատարելով իրենց գործը և ապահովելով Հայաստանի էներգետիկ անվտանգությունը: Այս մասին ասված է էներգետիկի օրվա առթիվ ՀՀ փոխվարչապետ Համբարձում Մաթևոսյանի ուղերձում։


«Ներկայումս անգնահատելի է էներգետիկայի դերը յուրաքանչյուր պետության տնտեսության զարգացման գործում: Հայաստանն այս առումով բացառություն չէ, որը ձգտում է դիվերսիֆիկացնել իր էներգետիկ համակարգը՝ ելակետում ունենալով էներգետիկ անվտանգության և կայունության երաշխավորումը, էներգիայի այլընտրանքային աղբյուրների բացահայտումն ու կիրառումը: Այս գործում անփոխարինելի է էներգետիկների դերակատարությունը, մասնագիտական ներուժի առավել արդյունավետ օգտագործումը մեր պետության՝ այդ կարևորագույն բնագավառի զարգացման հարցում:


Վերստին շնորհավորում եմ բոլոր էներգետիկներին՝ մաղթելով անսպառ ուժ և եռանդ, որպեսզի միահամուռ աշխատանքով լծվենք նոր խնդիրների լուծման և ծրագրերի իրականացման հանրօգուտ գործին»,-ասված է ուղերձում։

Դեռ պետք է սովորենք, թե ինչպես օգտագործել մեր սփյուռքի ուժը. նախագահի հարցազրույցը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար