Երբ գերագույն գլխավոր չհայը անդադար խոսում էր (է) Ադրբեջանի կողմից ՀՀ 29800 քառ. կմ ճանաչելու մասին, մեկ նպատակ էր հետապնդում, որ իր եղբայրը, իսկ մեր թշնամին հնչեցնի 86600 քառ. կմ, Արցախը՝ Ադրբեջանի կազմում... Այս մասին իր ֆեյսբուքյան էջում գրառում է կատարել Արցախի ԱԺ ընդդիմադիր պատգամավոր Մետաքսե Հակոբյանը:«Բանակցային «հզոր» գործընթացի այս «աննշան» «մանրուքն» էլ էր համաձայնեցվա՞ծ Արցախի Հանրապետության իշխանությունների հետ, սրա՞ն էլ է ստորակետի ճշտությամբ համաձայն Արցախի Հանրապետության նախագահը, թե՞ չի խառնվում ՀՀ «ներքին» հարցերին կամ, թե «սև ու մութ ուժերը թույլ չեն տալիս, որ կատարի ԱՀ Սահմանադրությամբ իրեն վերապահված լիազորությունները»... Հ.Գ. իսկ Արցախում որոշ ուժերի ներքաղաքական կյանքը «եռում է», «հանդիսատես», բայց գլխավոր դերերում զգացողներին զբաղեցնելով...»,- գրել է ընդդիմադիր պատգամավորը: Հիշեցնենք, այսօր Ստեփանակերտում տեղի կունենա Սամվել Բաբայանի հրավիրած հանրահավաքը: VERELQ-ը հիշեցնում է, որ նախօրեին Բրյուսելում 4 ժամ տևած բանակցություններից հետո Եվրոպական խորհրդի նախագահ Շառլ Միշելը հայտարարեց, որ «Հայաստանւ և Ադրբեջանի առաջնորդները ոչ երկիմաստ հավատարմություն են արտահայտել 1991 թվականի Ալմա Աթայի հռչակագրին և համապատասխանաբար Հայաստանի ամբողջականությանը 29,8 հազ քառ կմ տարածքով և Ադրբեջանի ամբողջականությանը՝ 86,6 հազ․ քառ կմ տարածքով։ Վերջնական սահմանազատումը կհամաձայնեցվի բանակցությունների ընթացքում»։