Հայաստանում կորոնավիրուսային հիվանդությունից ևս մեկ մահվան դեպք է արձանագրվել: Ինչպես հայտնում են ՀՀ առողջապահության նախարարությունից, պացիենտը եղել է 82 տարեկան (կին) և ունեցել է ուղեկցող խրոնիկական հիվանդություններ: «Նախորդ օրը արձանագրվել է մահվան 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 19 է»,- հայտնում են նախարարությունից։
