Սոցիալական վճար կատարելու պարտադիր պայմանի համար նախատեսված առավելագույն ժամկետը երկարաձգվեց մինչև 2018թ.: Ազգային Ժողովն այսօր 104 կողմ, 4 ձեռնպահ ձայների հարաբերակցությամբ առաջին ընթերցմամբ հավանություն տվեց «Կուտակային կենսաթոշակների մասին» ՀՀ օրենքում առաջարկվող փոփոխություններին: Նշենք, որ ներկայումս առկա ժամկետը սահմանված է 2017 թվականի հուլիսի 1-ը, և եթե Ազգային Ժողովը երեք ընթերցումներով փոփոխությունները հավանության արժանացնի, ինչի նախադրյալն արդեն երևում է, ապա սոցվճար կատարելու պարտադիր պայմանի փոփոխությամբ հանդերձ օրենքը կգործի 2018 թվականի հուլիսի 1-ից:
