ՀՀ պաշտպանության նախարար Դավիթ Տոնոյանը հաստատեց ավելի վաղ վարչապետ Նիկոլ Փաշինյանի այն պնդումը, թե բանակում զոհերի թիվը պատմական մինիմումի է հասել: Այս մասին նախարարն ասաց ԱԺ-ում լրագրողների հետ ճեպազրույցում. Անդրադառնալով հարցին, թե վիճակագրությունը հակասական թվեր է ցույց տալիս, նախարարն ասաց, որ հակասությունը գալիս է հաշվարկման համակարգերի խնդրից՝ անցյալում և հիմա հաշվարկներից «Հիմա ամբողջությամբ բոլոր դեպքերը հաշվարկվում են»,- պարզաբանեց նա: VERELQ-ը հիշեցնում է, որ ավելի վաղ Նիկոլ Փաշինյանն իր ֆեյսբուքյան էջում գրառում էր կատարել, որում նշել էր, որ 2019 թվականի ընթացքում Հայոց բանակում (բոլոր պատճառներով) զոհերի պատմական մինիմում է արձանագրվել։ «Այսինքն, մեր բանակում երբեք ավելի քիչ զոհ չի եղել, քան 2019 թվականին»,- գրել էր նա:
